Боно Вокс е одамна познат како еден од најголемите хуманитарци од светот на музиката, а во рамките на европска турнеја на неговиот бенд U2 во Италија тој повторно “се ангажираше“.
Тој испрати порака до политичарите во Европа да го солидаризираат нивниот став во однос на бегалската криза.
– Јас не сум опасен, јас сум во опасност, рече Боно на крајот на песната „Bullet the Blue Sky“.
На почетокот на песната „Where the Streets Have No Name“, Боно внесе дел од текстот од песната Zooropa, која во контекст на приказната за сириските бегалци, доби ново значење.
Боно запеа: „And l have no compass, and l have no map“, (Немам компас и немам мапа), „And i have no reasons, no reasons to get back“ (Немам причина да се вратам назад), а кога песната почна да преминува во „Where the Streets Have No Name“, Боно се обрати на публиката:
– Што сакате? Европа со срце и граници затворени за милост? Или Европа со отворено срце? Што сакате? Место кое можете да го наречете дом, порача Боно.
Во текот на песната „Pride (Ind the Name of Love“, Боно стиховите ги измени во оние каде зборуваат за „телото на детето пронајдено на празната плажа“, реферирајќи на 3-годишниот Ајлан Курди, чие безживотно тело беше пронајдено на турските брегови.
– Не го знам одговорот на прашањето за кризата со бегалците. Но мораме да работиме заедно за да го најдеме одговорот, порача Боно.