Конзервативната партија ГЕРБ на експремиерот Бојко Борисов „ГЕРБ“ на изборите освои над 31,38 отсто од гласовите, соопшти државната изборна комисја.
На второ место следува Коалиција за Бугарија, предводена од социјалистите, со 27,34 отсто, на трето место е етничката турска партија „Право и слобода“ со 9,15 отсто, а во Парламентот влезе и партијата „АТАКА“.
Ваквите резултати значат дека 53-годишниот Бојко Борисов ќе мора да формира коалициска влада, но се уште не јасно кои би можело да му бидат партнери. Атака вчера демантира дека ќе биде дел од власта.
Борисов се уште не им се обратил на граѓаните по изборната победа, а бугарските солцијалисти сметаат дека се вистински морални победници на изборите.
Граѓаните револтот го изразија синоќа излегувајќи на протести и прогласувајчќи ги изборите за нелегитимни.
На вчерашните парламентарни избори во Бугарија забележени се повеќе од 300 неправилности, како поткуп на избирачите да гласаат за одреден кандидат, организирање групи со цил да ги прекршуваат политичките права на граѓаните, купување и продажба на гласови, пренесува БТА.