Безбедносните мерки се зголемени во најголемите градови во Бразил во пресрет на најавите на демонстрантите дека протестите ќе продолжат.
Граѓаните на Сао Паоло најавија дека ќе излезат на улица да го прослават пресвртот со покачувањето на цените во јавниот транспорт, објавен во средата.
Протестите кои првично беа покренати поради најавите за покачувањата, оттогаш прераснаа во се поголемо движење.
Демонстрантите сега се лути на корупцијата и трошоците за претстојното Светско првенство во фудбал, кое ќе се одржи во Бразил во 2014.
Властите на градот Рио де Жанеиро подигнаа барикади околу законодавната зграда на државата, која беше вандализирана за време на протестите во понеделникот.
Сао Паоло и Рио се последните градови кои по примерот на властите од Ресифе и Жоао Песоа, го поништија зголемувањето на цените во јавниот транспорт.
Меѓутоа пресвртот не го запре гневот на граѓаните, кои веднаш по владините објави за одлуките, им се спротиставија на полицијата и ги блокираа улиците на Сао Паоло и Бразилија.
Тековните немири се најголеми од 1992 година наваму, кога луѓето излегоа на улиците барајќи импичмент за тогашниот претседател Фернандо Колор де Мело.