ЕУ е тажна но не и многу изненадена од британската одлука да го напушти европското друштво. Подготовките за ова сценарио постојат и сега треба да се применат. Ова утринава го потврди Доналд Туск, претседателот на Европскиот совет.
Претседателот на Европскиот совет Доналд Туск и претседателот на Европската комисија Жан-Клод Јункер веќе имаат закажано средба во Брисел во 10.30 а на средбата е поканет и холандскиот премиер Марк Руте, актуелен претседавач со ЕУ.
Првата пост-Брегзит средба е предвидена во Луксембург на пладне со Совет на министрите за европски работи. Нивна задача е да го подготват самитот на лидерите закажан за 28 и 29 јуни. На овој самит главна тема ќе биде излезот на Велика Британија од ЕУ. Календарот на Брегзитот ќе треба да биде направен на овој самит.
Средба на шефовите на дипломатиите на шесте земји основачи на ЕУ – Франција, Германија, Холандија, Луксембург, Белгија и Италија – е предвидена денес во Германија но се уште нема официјална потврда за местото и часот на состанокот.
Повеќе извори најавуваат дека Франција и Германија разгледуваат иницијатива која треба и даде нова перспектива на ЕУ. Францускиот претседател Франсоа Оланд веќе изјави дека ЕУ треба да добие “поедноставни и побрзи институции” и да влезе во “зајакната соработка” за земјите членки кои сакаат да одат во поголема интеграција.
Се подготвуваат и екстремните десници низ цела Европа. Французинката Марин Ле Пен, Италијанот Матео Салвини, Холанѓанецот Герт Вилдерс бараат референдуми во нивните земји за да се следи примерот на Велика Британија.