Според помошник-генералниот секретар на НАТО Алијансата за политички прашања и безбедносна политика, Дирк Бренгелман одлуката од НАТО самитот во Букурешт од 2008 година, а која потоа беше потврдена и на последниот самит на Алијансата во Чикаго минатата 2012 година, останува.
„Би сакал да напоменам дека овие одлуки остануваат, односно Македонија ќе стане земја-членка на НАТО во моментот кога ќе се донесе било какво решение за спорот со името,” ја пренесува Макфакс, изјавата на Бренгелман.
НАТО е заедница на вредности, но пред се важен е политичкиот процес, а битен е напредокот во областите на владеењето на правото, правосудството, како и состојбата со медиумите, и според Бренгелман, токму позитивните искуства со земјите од регионот, како што се отварањата на акциските планови за членство со Црна Гора, и процесот за истото со Босна и Херцеговина, упатуваат на тоа дека регионот се придвижува кон НАТО.
(фотографија: Макфакс)