Турскиот претседател Ердоган ја потресе белгиската политичка сцена а полиција од вчера е на штрек и денес уапси лице за кое се сомнева дека е еден од организаторите на нападите во европската престолнина.
Истрагата се чини добро напредува. Детали за уапсените лица не се се уште соопштени но францускиот претседател даде охрабрувачка изјава. Да споменеме дека Париз и Брисел се влезени во тесна соработка и размена на информации околу нападите.
Терористичката мрежа која ги почини нападите во Париз и Брисел е “во тек на уништување”, рече Франсоа Оланд кој додаде дека операциите кои денес и вчера се одвиваат во двата града даваат резултати.
Exclusive Schaerbeek 2 by sudpresse
Прв пропуст
Очигледните грешки на министрите за внатрешни работи и правда на Белгија, Јан Јамбон и Кун Гес, кои вчера поднесоа оставка која не им беше прифатена од премиерот Шарл Мишел, го шокираа белгискиот парламент. И веќе денес беше свикана посебна парламентарна комисија која го минува денот во испрашување на овие двајца министри но и министерот за надворешни работи чија што служба не обрнала сериозно внимание на пораките кои доаѓале од Турција.
Да посетиме дека Ердоган во средата изјави дека Ибрахим Ел Бакрави, терористот кој се разнесе со експлозија во Брисел, бил уапсен на 15 јуни 2015 година во Турција, на 50 километри од Сирија. Турција го држела во затвор еден месец а потоа, на негово барање, бил испратен во Амстердам.
.jpg)
Реџеп Таип Ердоган од Романија испрати незгодна порака до Белгија
Турција тврди дека и Брисел и Хаг биле на време информирани дека Ел Бакрави е опасен и можеби џихадист. Ни Белгија и Холандија не презеле ништо иако Ел Бакрави и е добро познат на белгиската полиција. Бил осуден на 10 години затвор во 2010 година за кражба и отворање оган кон полицијата но потоа бил условно ослободен иако затворот дал негативен извештај за него и не се сложил со ослободувањето. Во поставените услови Ел Бакрави морал да се јавува секој месец во полиција и имал забрана да престојува повеќе од еден месец во странство.
Ел Бакрави ова го почитувал се до јуни 2015 година кога исчезнал од радарите на власта. Потоа е уапсен во Турција на сириската граница и испратен во Амстердам. Но, ниту една служба не го повикала барем на разговор.
Втор пропуст
Другиот голем пропуст е информацијата дека полицијата на малиот град Мехелен на север на Брисел, од декември ја имала адресата на Салах Абдеслам, терористот од париските напади кој по четири месеци бегство беше уапсен пред една недела во Брисел. Оваа полициска станица не ја пренела информацијата на федерално ниво и со тоа пропуштила можност да го спречи можеби нападот во Брисел. Сомнежот за секогаш ќе остане во сеќавањето на целата земја.
На парламентарната сесија им немаше крај на прашањата на возбудените и шокирани пратеници од сите политички партии, како од власта така и од опозицијата.
Министрите се бранеа и се обидуваа да најдат оправдувања.
.jpg)
Јан Јамбон, министер за внатрешни работи
Јан Јамбон, министерот за внатрешни работи, го впери прстот во офицерот за врски на федералната полиција на Белгија во Истамбул кому му требале повеќе денови за да ја прати турската информација за Ибрахим Ел Бакрави во Брисел.
– Можам само да заклучма дека барем едно лице направило пропуст. Не се покажал ни проактивен ни посветен, изјави Јамбон.
Според министерот ниту една служба не направила грешка. Грешка направил еде човек.
На министерот за правда Генс му беа поставени десетици прашања за пропустот на судството со кој Ибрахим Ел Бакрави бил пуштен на слобода и не бил приведен дури ни кога социјалните служби обелодениле дека не знаат каде е иако со условното ослободување имал обврска да се јавува секој месец во надлежните социјални служби. Двајцата браќа Ел Бакрави биле осудувани и условно ослободени.
.jpg)
Кун Генс, министер за правда
– Минатото на двајцата браќа не е толку негативно како што тоа беше прикажано овие денови. Сепак, доколку секој ја вршеше својата работа на совршен начин, одреден број работи ќе се случеа на поинаков начин. Тоа не може да се исклучи, рече Генс.
Трет пропуст
И трета грешка денес излезе на виделина во два странски медиуми. Тие открија дека Абдеслам бил испрашан само еднаш помеѓу минатиот петок кога беше уапсен и вторникот, денот на нападите.
Површниот карактер на сослушувањто ги шокирал новинарите кога настанот им бил раскажан од луѓе кои блиски до истрагата или одбраната. Испрашувањето траело само два часа, еден час со полицијата и еден час со истражниот судија.
Кусото време и не е толку проблематично колку што биле површно самото сослушување кое се задржало единствено на неговите соучесници во париските напади и прашања практично не биле поставени за можни планови за нови напади.