„Дома“, краткиот филм за една британска фамилија која бега од војна ја освои наградата за најдобар краток филм од Британската Академија на филмот и телевизиската уметност (БАФТА).
Филмот е на Даниел Мулоу и има за цел да го продлабочи разбирањето на јавноста за бегалците кои бегаат од војни и конфликти низ светот, во пресрет на бегалската криза.
Краткиот филм во кој глумат Џек О’Конел и Холидеј Грајнгер, претежно е сниман на Косово во селата Јањева и Грачаница.
Мулоу изјави дека неговата баба била исто така бегалец од холокаустот. Бил инспириран од искуствата на неговиот партнер, кој избегал од Косово поради војната и бил бегалец. Исто така бил инспириран од средбата со една бегалска фамилија која била испратена назад во Косово откако се обиделе да влезат во ЕУ.