Ноќеска, автобус со македонски државјани излетал од патот, околу 50 километри пред Будимпешта.
Како што јавува „Прес24“, повикувајќи се на извори од МВР, 28 лица се повредени, 8 потешко, еден е во критична состојба.
Несреќата се случила во близина на градот Гор, а засега нема информации поради кои причини автобусот кој сообраќал на релација Скопје – Прага излетал од патот.
Возачот на автобусот вчера околу 1 часот и 45 минути се јавил во патничката агенција „Тото“ која го организира превозот и ги информирал дека се случила сообраќајна несреќа.
Во автобусот имало 25 патници од кои две мали деца и 3 возачи.
Од македонското МНР информираат дека се во постојан контакт со амбасадата во Будимпешта.
Претставници на амбасадата веќе се заминати на местото на несреќата и во двете болници во местата Гор каде што се сместени 16 и Татарбања каде што се наоѓаат 12 патници.