Бугарското Собрание денеска гласа за новата Влада, чиј премиер се очекува да биде познатиот бугарски економист Пламен Орешарски.
За нов министер за надворешни е предложен социјалистот Кристијан Вигенин кој е познат на македонската јавност, по повлекувањето заради скандалот со корупција на Зоран Талер, беше известувач на ЕП за Македонија.
Освен тоа, Вигенин е познат по несогласување со ставање вето за Македонија од страна на Бугарија, кога Софија најави блокада во ЕУ:
-Уште потешко ќе ни биде после да го повлечеме ветото, зашто за разлика од Грција нашите проблеми се многу покомплексни, а напредокот тешко мерлив. Затоа на ова ветото треба да се каже не, изјави тогаш Вигенин.
-Бугарија може да ги запре преговорите во секој момент. Всушност започнувањето на преговорите на ЕУ со Македонија и’ дава на Бугарија многу повеќе можности да влијае на процесот, отколку ако стави вето пред да започнат, изјави Вигенин додавајќи дека 5 или 6 години, колку што ќе трае влегувањето на Македонија во Унијата е доволно време таа да покаже добра волја и резултати.
Вигенин смета дека е крајно време односите со нашата држава од сферата на митовите и популизмот да се стават во реалноста.