Тој денеска ја прими и веднаш му ја врати папката, на како што рече, исполнетиот мандат на претседателот Радев, откако претходно ги претстави имињата на новиот кабинет, а кој треба да биде изгласан во собранието. Жељасков соопшти дека владата ќе ја сочинуваат три партии, ГЕРБ, БСП – Обединета Левица и Има таков народ.
Консултациите со БСП и Има таков народ беа засновани на цели, приоритети и принципи на управување. Ги направивме неопходните компромиси, зашто во политиката компромисот е повреден отколку да се прави политичка зделка. Големиот политички компромис кој го направивме е тоа што јас сум на ова место, а не нашиот лидер Бојко Борисов. Повелете, г-не претседател, исполнет е извршен мандат , изјави Росен Жељасков, кандидат за премиер на Бугарија.
Овие три партии го немаат потребното мнозинство, но клучната улога за излез од ќорсокакот ја одигра коалицијата ДПС на Ахмет Доган кој им вети поддршка во собранието, но нема да биде дел од кабинетот.