Барањето на Бугарија омилениот син на нацијата да добие висока американска почест за спасувањето на еврејската заедница во Втората светска војна, наиде на протест од страна на Музејот на Холокаустот во Вашингтон, во која се вклучија и историчари, објаснувајќи ја вистинската улога на сојузникот на нацистичка Германија- Бугарија, јавува АБЦ ТВ.
Бугарија покрена иницијатива еден плоштад во Вашингтон да биде именуван по Димитар Пешев, министерот за правда во време на Втората светска војна, кој се смета за заслужен што бугарските власти се откажале од депортирањето на околу 50.000 бугарски Евреи во германските логори на смртта
Музејот и други историчари велат дека реалноста покажува дека Бугарија беше сојузник на Нацистичка Германија и дека 11.343 Евреи беа депортирани од Македонија и северна Грција кои беа под бугарска контрола.
Токму затоа, нивното барање е да не се гледа издвоено улогата на Пешев, туку големата слика, заради што Раду Јоанид, директор на еден од департментите на Музејот напишал писмо до претседавачот на бугарското Национално Собрание и до бугарската амбасадорка, каде бара да не се извртува вистинската историја, Елена Поптодорова, со што се навредуваат жртвите на Холокаустот.