Во рамките на Мобил Фестивал 2014, ќе се прикажува филмот што ја освои наградата за најдобра анимација на филмскиот фестивал Hollywood Weekly во Лос Анџелес, краткометражната анимација „Денот на крвавите непца“, изработена на смартфон, од авторот Димитар Димитров од Бугарија.
Анимацијата е направена според расказот на Дилијан Еленков.
Во „Денот на крвавите непца“ станува збор за сиромашен „уметник-камикази“, кој се прехранува од своите дела, но не на традиционален начин.
Покрај оваа голема награда, „Денот на крвавите непца“ е носител и на шест други признанија, меѓу кои Наградата на Унијата на бугарските филмски дејци на Меѓународниот фестивал на анимиран филм во Варна, како и наградата „БГ Видеохолик“ на фестивалот „Видеохолика“ во истиот град и награда од специјален фестивал за филмови правени на смартфон во Торонто.
Авторот на филмот, Димитар Димитров ќе биде специјален гостин на овогодинешното издание на Мобил Фестивал и ќе одржи работилница на 21-ви ноември во Скопје.
Наскоро ќе бидат објавени и термините за местото и времето кога ќе се одржи работилницата, додатно на сајтот www.mobilefestival.net.