Бугарската изборна кампања полна со неправилности
Бугарската изборна кампања, која е во тек за изборите закажани за 12 мај, е загрижувачка од многу аспекти, констатира ОБСЕ во еден извештај на набљудувачите на изборите.
Набљудувачите кои се во веќе во Софија од април се загрижени поради манипулациите со купувањето гласови, нелегалните прислушкувања што ги водел поранешниот министер за вантрешни работи, порастот на национализмот и лошата медиумска кампања која не е врамнотежена.
Оваа набљудувачка мисија е во Бугарија на покана на Министерството за надворешни работи која забележува дека медиумската кампања не е доволно плуралистичка. Кампањата се води главно преку медиуми и социјалните мрежи, директни состаноци и манифестации во големите градови. Фокусот на кампања се социјалните и економските теми, сиромаштијата, невработеноста како и борбата против корупција. Сепак, според ОБСЕ некои политички партии ги базираат нивните платформи на национализам со употреба на ксенофобија во реториката.
Од другите проблеми забележани од ОБСЕ во кампањата се и купувањата гласови и тоа најмногу кај Ромите иако проблемот се среќава насекаде.
Улогата на Министерството за внатрешни работи не е сосема разјаснета, забележуваат некои политички партии.
На 28 март лидерот на социјалистите Сергеј Станишев поднел документи до државниот обвинител поради нелегално прислушкување на политарите, новинарите и бизнисмените. Според Станишев, одговорноста за ова лежи кај Цветан Цветанов, поранешен министер за вантрешни работи а кој денес е шеф на изборниот штаб на ГЕРБ, партијата на власт. На 15 април државниот обвинител најави неправилности и прислушкувања и побара истрага. Политичките партии во Бугарија бараат оставка на Цветанов од изборниот штаб на ГЕРБ, вели ОБСЕ.
Овој извештај бележи исто така дека изборниот законик не предвидува слободно време за изборни реклами па затоа најголем дел од кампањата на медиумите е платена. “Плаќањето на медиуми не е означено како такво и оттука јавноста може да биде излажана за природата на емисиите“, вели ОБСЕ кој додава сепак дека јавниот сервис им гарантира бесплатно време на кандидатите во програмите поврзани со изборите.