Европските дипломати Ерхад Бусек претседател на Пактот за стабилност и поранешниот амбасадор на САД во Скопје Кристофер Хил се разочарани од бавниот процес на приближување на Македонија кон ЕУ. Според Хил ЕУ не е таа која може да ги реши проблемите со кои се соочува Македонија
„Не ја обвинувам Македонија бидејќи за танго се потребни двајца. Сметам дека е потребно да се стави акцент на дипломатијата за решавање на проблемот со јужниот сосед. Се надевам дека тоа ќе биде врвен приоритет затоа што сметам дека е од исклучителна важност за иднината на Македонија таа да се интегрира во ЕУ и НАТО“, рече Хил.
Прашањето за влезот на Македонија во ЕУ ќе биде прашање на наредните генерации беше речено во еден од говорите на Меѓународната конференција на Ротарите клубовите во Охрид. 2025 година беше спомената како една од можните години кога Македонија би можела да стане членка на унијата.
„Јас сум екстремно критичен по ова прашање, особено кон земјите членки на ЕУ кои треба да извршат притисок кон своите партнери, посебно кон Грција за да се придвижат работите нанапред. Сметам дека сегашната ситуација не е фер кон Македонија која е значајна не само како место на карта, туку генерално“, изјави Ерхард Бусек.