Со влезот на Хрватска во Европската унија царината на тамошните цигари во Македонија ќе порасне од 27 на 42 отсто, јавува Сеебиз.
Во останатите земји од поранешна Југославија, кои не се членки на ЕУ, царините ќе пораснат од 15 на дури 57 отсто во Србија, од 0 на 15 отсто во БиХ и од 0 на 10 отсто во Косово.
Најпогодена од оваа мерка ќе биде ТДР – Творница духана Ровињ, која ќе треба да плаќа дополнителни 10 милиони евра на име на царини и која се очекува дека ќе изгуби 130 работни места.
Околу 19 отсто од хрватскиот извоз се однесува на земјите од ЦЕФТА, односно договорот за слободна трговија на земјите од Балканот, кои не се членки на ЕУ. Покрај цигарите, излегувањето од ЦЕФТА договорот ќе има последици и врз производителите на храна во Хрватска.
Во Хрватска ќе се зголемат и даноците на цигарите. Тие досега изнесуваа 36 отсто од продажната цена, по влезот во ЕУ овој процент ќе се зголеми на 57 отсто, а до крајот на 2017 растот на даноците ќе изнесува 60 отсто од малопродажната цена.