Денеска ЦЕФТА одлучува дали Македонија го прекршила договорот за увоз на пченица и брашно кон Србија.
Вчера министерот за земјоделство на Македонија денеска соопшти дека останува на сила времената мерка за условен увоз на пченица и брашно во земјата. Димовски тврди дека Србија, која реагираше на оваа одлука, покажала разбирање, иако претходно се закани дека ќе воведе реципрочни мерки за увозот на македонското вино и домати во нивната земја.
„Добивме ветување дека на состанокот ќе се зборува за тоа во иднина, доколку некоја земја повеќе години ги применува истите мерки и го крши договорот од ЦЕФТА, земјите на кои тоа се однесува да имаат право веднаш да спроведат реципрочни мерки, без да се чека свикување на комитетот на ЦЕФТА, што е дополнително олеснување“, истакна вчера Данило Голубовиќ, државниот сектерат на српското Министерство за земјоделство.
>>ЦЕФТА со официјално барање до Македонија за увоз на пченица
Заедничкиот комитет на ЦЕФТА на денешното заседание во Белград би требало да упати официјално барање до Македонија за укинување на мерките за ограничување на увозот на пченица и брашно од Србија, изјави државниот секретар од Министерството за земјоделство Данило Голубовиќ, објавува Танјуг.
Српската и македонската страна веќе постигнаа договор за делот на уредбата кој се однесува на тоа – ограночувањето на увозот на пченицата да се укине до 15 август, а на брашно до 1 септември, но сакаме тоа и официјално да го верифицираме за да нема недоразбирања, прецизираше Голубовиќ.