Пожар ја зафатил црквата „Света Петка“ во битолско Долно Егри и таа е целосно уништена.
Жителите на Долно Егри денеска пријавиле дека црквата сосема изгорела, откако ноќта на 13. август избувнал голем пожар.
Според Магдалена Димитровска, портпарол на СВР Битола, најверојатно пожарот избил на 14-ти август, но граѓани во полиција го пријавиле денеска, јавуваат македонските медиуми. Во селото Долно Егри не живее ниту еден жител, така што најверојатно огнот не бил забележан навреме за да биде спречено опожарувањето на храмот. Најблиските жители се на два километри во селото Средно Егри.
Екипа на СВР Битола изврши увид на лице место. Од битолската противпожарна служба велат дека пожарот кај нив воопшто не бил пријавен, но дека ќе излезат на терен за да видат колкави се оштетувањата.
Тие ја разгледуваат и опцијата пожарот да бил подметнат, како што јавуваат македонските медиуми.