Со погодокот на Бранислав Ивановиќ во продолжението на второто полувреме, Челзи победи со 2:1 против Бенфика.
Сурова реалност за екипата на Жорге Хесус. Натпреварот го изгубија во последните секунди од финалето на второто по квалитет натпреварување на УЕФА.
Челзи 2, Бенфика 1.
Во еден израмнет натпревар на кој се играше на двете страни, фудбалскиот клуб Челзи успеа да ја победи Бенфика со резултат 2:1, со што стана четвртиот тим заедно со Баерн Минхен, Ајакс, и Јувентус кој освоил три големи титули на различни натпреварувања на УЕФА, и тоа Лигата на шампионите, Лигата на Европа, како и Купот на победниците.
Челзи поведе на натпреварот со 1:0 во 60 минута со погодокот на Фернандо Торес, но само неколку минути подоцна, односно во 68, Оскар Кардозо го израмни резултатот со погодок од пенал.
Србинот Бранислав Ивановиќ го освои трофејот за лондонскиот клуб во 92 минута со погодокот постигнат со глава, со што Сините од Стемфорд Бриџ се крунисани како нови шампиони на Лигата на Европа.
Ова е титула број 11 во 10 години под 9 различни менаџери за екипата на Челзи.