Претседателот на Чешка Милош Земан за премиер на државата го назначи левоориентираниот Јири Руснок кој треба да ја состави експертската влада.
Економски експерт и поранешниот министер за финансии треба да ја изведе земјата од политичката криза, во која ја вовлече претходниот премиер Петр Нечас. Шефот на претходната центристичко-десна влада на 17 јуни поднесе оставка поради скандал со корупција и прислушување.
Руснок сега треба да го состави кабинетот чиј состав треба да го одобри претседателот, по што рок од 30 дена владата треба да добие подршка од парламентот.
Повеќето партии се разочарани од изборот на претседателот Земан и сакаат нови избори. Тие му префрлуваат на Земан дека го заобиколува парламентот и протежира влада составена од приврзаници на неговиот табор.