Чешкиот премиер Петр Нечас најави дека ќе поднесе оставка денеска, по деновите на политички превирањаЧешкиот премиер Петр Нечас најави дека ќе поднесе оставка денеска, по деновите на политички превирања, јавува Би-Би-Си.
Неговата владејачка коалиција ќе се обиде да формира нова влада, предводена од страна на некој номиниран од страна на неговата граѓанска демократска партија (ОДС).
Притисокот растеше на г-дин Нечас да даде оставка, откако обвинителите во петокот го обвинија неговиот шеф на кабинет Јана Нaѓова за корупција и злоупотреба на власта.
Двајца поранешни пратеници, екс-министерот и сегашни и поранешни шефови на военото разузнавање, исто така, се притворени. Сите освен еден, се во притвор.
Претседател Милош Земан изјави дека обвиненијата, донесени по вооружените полициски рации врз владата и приватните канцеларии во средата, се “сериозни”.
До 150 милиони корони ( 8 милиони американски долари) во кеш, десетици килограми на злато и големи количини на документи беа запленети за време на рациите.
Детективите изјавија дека г-ѓа Наѓова беше осомничена за поткуп на поранешни пратеници со понуди за работни места во државните фирми. Се тврди дека ова било во замена – да се откажат од нивните пратенички места.
Г-ѓа Наѓова – блиска колешка на г-дин Нечас во речиси една деценија – е исто така, осомничена за нелегално нарачување военото разузнавање да шпионира три лица.Чешките медиуми објавија дека како цели била вклучена и сопругата на г-дин Нечас- Радка Нецасова. Г-дин Нечас оваа недела најави дека тие се разведувале.
Г-дин Нечас ги отфрли сите обвинувања против г-ѓа Наѓова и другите пет обвинети, велејќи: “. Јас лично сум убеден дека јас не направив ништо нечесно и дека моите колеги не направиле ништо нечесно исто така”.