На условна казна од четири месеци е осуден Перо Панов, татко на кавадаречкиот градоначалник Александар Панов. Таткото на кавадаречкиот градоначалник е обвинет, откако неговиот сограѓанин Методи Милков му поднесе тужба за нанесување на тешка телесна повреда, кога во декември лани, Перо Панов прво го претепал со дршка од пиштол Методи, а потоа со пиштол му се заканувал и на неговиот брат Панче. Браќата Милкови не се задоволни од пресудата и најавија жалба до Апелациониот суд.
-Не сме задоволни, ова е преблага казна за ваква повреда. Сметам дека Судот е пристрасен, изјави за НОВА Панче Милков.
.jpg)
Низа контраверзи го следеа овој судски процес. Од менување на судии, до судење зад затворени врати. Сведоците беа преплашени и како се ближеше времето за судење или се предомислуваат или лажно сведочеа велат браќата Милкови. Тие се сомневаат во пристрасност на судот, бидејќи за кратко време се смениле двајца судии. Првично му бил доделен на поранешниот председател на судот Лазар Нанев, но подоцна тој е сменет.
Се почнало кога постариот брат на Панче, Методи Милков бил пресретнат од таткото на актуелниот градоначалник, кој му се заканувал, велејќи дека ќе го снајде ќотек заради некогашни нерасчистени долгови. Притоа во вербална расправија Панов крвнички со рачката од пиштолот го ударил по главата, додека не прокрварил. Методи Милков и претходно на двапати добивал закани од тaткото на актуелниот градначалник.
– Јас и мојот брат сме едни од основачите на ВМРО ДПМНЕ, со членски книшки од 1990 година. Но, во последно време не се согласуваме со политиката на власта, која ги раскара и подели луѓето. Тоа често и го кажувам на трибините кои ги организира ВМРО ДПМНЕ во мојот град. Но, тоа не им се допаѓа на актуелниот градоначалник и на неговиот татко, па на ваков начин ни се реваншираат и мене и на брат ми, рече Методиј Милков.
