ЦИА годишно му плаќа над 10 милиони долари на мобилниот оператор „АТ&Т“ за податоци од телефонски разговори кои подоцна се користат за истрага за тероризмот во странство, пишува „Њујорк тајмс“.
Повикувајќи се на владини претставници, вториот по големина американски провајдер соработува со ЦИА на база на доброволен договор, а не по одлука на судот.
Од „АТ&Т“ не ги потврдиле таквите наводи, но ниту ги демантирале, односно единствено што соопштиле било дека средствата кои ги дава Владата се „рутински кога се даваат законски податоци“.
Според договорот, ЦИА на мобилниот оператор му доставува податоци за броеви на мобилни телефони на осомничени за тероризам во странство, и тогаш „АТ&Т“ ја проверува својата база на податоци за да се види дали тие остваруваат контакт со некој во САД.