Пет лични карти му паднале од џеп на едно лице во населбата Кисела Вода. Забележано е групно и семејно гласање, а некои граѓани биле спречени да гласаат бидејќи ги нема на Избирачкиот список, информираше невладината ЦИВИЛ.
„Најголем број од пријавите на граѓаните се однесуваат дека мастилото се отстранува лесно и ги покажуваат своите сомневања дека може да дојде до злоупотреби. Имаме пријава од граѓанин кој откако објавил видео на кое евидентно е мастилото кое лесно се отстранува и дал изјави за медиумите за тоа, добил закани од еден пратеник дека после изборите ќе се пресметаат“, објави Уранија Пировска од Хелсиншкиот комитет.
Граѓанинот го пријави случајот до Хелсиншкиот комитет, бидејќи неговата пријава до избирачкиот одбор и до полицијата не наишла на никаква реакција.
Неколкумина стружани наместо еднаш гласале повеќе пати, на неколку гласачки места, бидејќи поседувале по неколку лични карти, објави Хелсиншкиот комитет, а според граѓаните на овие избирачки места немало полиција и дека не се водела евиденција за гласачките ливчиња.
Покрај ова забележано е групно и семејно гласање, а граѓани биле спречени да гласаат бидејќи ги нема на Избирачкиот список, а во училиштето Браќа Миладиновци член на избирачкиот одбор вршел партиска агитација информираше невладината ЦИВИЛ.
ЦИВИЛ информираше за низа неправилности и нерегуларности 1043 Куманово комисијата била составена само од две лица тие не биле обележани со потребните беџови.
Во Демир Капија луѓе кои ги немало на Избирачки список им рекле дека по 14 часот ќе го решат нивниот проблем, но подоцна им одговориле дека тоа ќе биде регулирано за вториот изборен круг, објасни Џабир Дерала.
Друг случај во Демир Капија е гласач на кој му била згрешена првата буква од презимето во Избирачкиот список не му било дозволено да гласа.
Во општина Центар на едно избирачко место, набљудувач на една партија избирачко место 2821 ги проверувал личните податоци на гласачите, на друго избирачко место во општина Центар забележана е асистенција на постаро лице од страна на набљудувач на една партија при што Избирачкиот одбор на реагирал, извести ЦИВИЛ за дојава на нивни набљудувач.
Набљудувачите на невладината „Цивил“ забележале дека починати лица во Ѓорче Петров биле евидентирани дека гласале.