Професор од Универзитетот во Црна Гора, Слободан Радоњиќ осуден е за дискриминација на ЛГБТ личност, поради како што е соопштено, навреди изнесени во авторски текст „Парада на исмејување на црногорската гордост“.
Ова е прв ваков случај во историјата на правосудството на Црна Гора да биде донесена пресуда за дискриминација на ЛГБТ заедницата.
Радоњиќ, како што е наведено во пресудата на Основниот суд во Подгорица, во текст објавен на 9 мај 2011 во дневниот весник „Дан“, изнел низа навреди на сметка на ЛГБТ лицата.
Во пресудата, донесена по тужба од невладината ораганизација Центар за дискриминација Еквиста и ЛГБТ форум прогрес, се наведува дека Радоњиќ во текот на постапката истакнал дека стои зад секој збор што го напишал во текстот.
Според пресудата, професорот не смее никогаш да ги повтори кажаните ставови и треба да ги плати трошоците за судската постапка во висина од 900 евра.
Дневниот весник „Дан“, од друга страна, е должен во рок од 15 дена од правосилноста на одлуката, пресудата да ја објави во целост.
Радоњиќ во текот на просецот го оспоруваше тужбеното барање.