Националистичка Алијанса „Црвено-црни“ на Крешник Спахиу соопшти дека нема да ги признае изборните резултати на парламентарните избори кои во неделата се одржаа во Албанија. Алијансата кој апопладнево одржа протест пред седиштето на Централната изборна комисија во Тирана го искажа незадоволството од изборните резултати и обвини за манипулации.
Спахиу на протестот најави дека ќе биде единствената вистинска опозиција, и нагласи дека неделните парламентарни избори не биле избори, бидејќи народот гласал, а лидерите на двете најголеми партии, демократот Сали Бериша и социјалистот Еди Рама пребројувале.
– Ова не беа слободни и фер избори. Народот не гласаше, туку пратениците беа именувани, порача Спахиу.
Освен партијата на Спахиу, самостојно на изборите настапи и Нов демократски дух на екс-шефот на албанската држава Бамир Топи, која исто така, најверојатно остана без пратеник.