Да не се берат печурки од природата апелираат лекарите по масовното труење, на осумтемина затруени тетовчани, од кои двајца, татко и син починаа. Станува збор за најмасовно труење со печурки во државата досега, со екстремно силен отров од печурките за кои се претпоставува дека се од родот Аманита. На Клиниката за токсикологија велат дека на затруените им била промената целата плазма од крвта, но на Клиниката немале против отров или Анти -дот терапија за вакви состојби.
-Ние сме сиромашна земја, а терапијата е многу скапа и неможеме да ја набавиме и да ја фрлиме бидејќи вакви случаи се ретки. Ние имаме договор со една Шведска фирма за да ни испорачаат веднаш штом ќе имаме потреба, но нашите пријатели од клиниките во Словенија и Хрватска беа побрзи и терапијата стигна неколку часа по хоспитализацијата на пациентите изјави за НОВА Андон Чибишев директор на Клиниката.
Од отровните печурки најчесто страдаат добрите познавачи кои редовно ги берат. Поради топлото и долго лето отровните печурки ја губат бојата и стануваат идентични со останатите вели Чибишев. Повеќе детали погледнете од разговорот во видеото.