Според премиерот на Србија, Ивица Дачиќ, Белград сака компромис, но преговорите се заглавени бидејќи Приштина одбива да прифати било каков предлог.
Српскиот премиер напомена дека официјален Белград нема да прифати понижување. Тој ги негира тврдењата дека бил постигнат и некаков договор за нормализација на односите меѓу Србија и Косово.
„Не е постигнат договор со Хашим Тачи. Преговорите се заглавени бидејќи Приштина одбива да прифати каков било предлог на српската страна кој се однесува на Заедницата на српските општини на Косово“, изјави Дачиќ само неколку часа по најавите на повеќе медиуми дека двете страни се наоѓаат пред конечно решение.
Дачиќ уште рече дека Приштина се противи на каква било автономија на Заедницата на српските општини бидејќи ја има поддршката на САД, но дека Србија од таа автономија не може да се откаже ниту по цена да не добие датум за преговори со ЕУ.