Српскиот премиер Ивица Дачиќ, по средбите со американскиот потпретседателот Џо Бајден и со заменик државниот секретар Вилијам Барнс во Вашингтон, изјави дека американската администрација изразила поддршка за српските евроинтеграции и ќе го употреби своето влијание во текот на јунскиот совет на Европската Унија.
-Разменивме мислења и за состојбата во регионот. Многу е важно регионот да биде регион на мир и на европски вредности и затоа позитивно се оценети сите чекори во таа насока. Тоа е еден од начините за целосна нормализација на односите на Балканот, изјави Дачиќ.
Дачиќ додаде дека дека следниот чекор е имплементирање на договорот меѓу Косово и Србија за статусот на северните косовски општини населени главно со етнички Срби.
-Интерес на сите држави е да се движат по европскиот пат, бидејќи тоа е еден од начините за целосна нормализација на односите на Балканот, порача Дачиќ.
Посетата на Дачиќ доаѓа во време кога косовската претседателка Атифете Јахјага ја откажа веќе најавената посета на Вашингтон.