Откако се појави сатиричното видео за ИСИС во кое учествува Дакота Џонсон, актерката од филмот „50 нијанси сиво“, Твитер буквално распали со реакции.
Во видеото, Дакота Џонсон игра девојка која се збогува со својот татко наводно заминувајќи на колеџ, а всушност им се придружува на џихадистите од Исламската држава.
– Нема НИШТО смешно во видеото. Ништо, пишува еден корисник на Твитер.
Понатаму во видеото, таткото им вели на џихадистите „Погрижете се добро за неа“, на што добива одговор „Смрт за Америка“.
Ова сатирично видео беше објавено за „Sutarday Night Live“ по информацијата дека три средношколки од Велика Британија побегнале од дома за да и се придружат на терористичката организација.
Уште еден корисник, згрозен од видеото во кое учествува Џонсон пишува: „Не заборавај да испратиш копии од убиените на нивните фамилии, да видиш дали нив им е смешно ова…“.
Џонсон сепак доби и поддршка од типот:
„Можеби ова е контроверзно видео, но SNL знае најдобро, ако не се смееме, тие победуваат“.
