Како да се задоволи недостигот од понуда на нафта во услови на висока побарувачка – сите очи насочени кон Венецуела. Руската инвазија на Украина може да и ја понуди на Венецуела шансата што ја бараше да го убеди Бајден да ги намали или отфрли американските санкции врз нејзината нафтена индустрија. Додека земјите ширум светот воведуваат санкции кон Русија и големите нафтени компании се повлекуваат од руските операции, ќе има неизбежно намалување на снабдувањето со нафта во светот. Прашањето е како овој недостиг од понуда може да се задоволи на краток рок бидејќи светската побарувачка останува висока, ја наметнува дилемата угледниот OILPRICE.
Венецуела неодамна апелираше до Волстрит за поддршка додека се обидува да го убеди американскиот претседател Бајден да ги укине санкциите. Со производство на нешто повеќе од 3 милиони барели на ден сурова нафта во 2013 година, Венецуела има потенцијал да му обезбеди на светот многу повеќе нафта отколку што е во моментот. Овој факт очигледно не е изгубен за администрацијата на Бајден, бидејќи имаше извештаи во текот на викендот кои информираа за состаноци меѓу американските и венецуелските претставници во Каракас во врска со носењето на повеќе сурова нафта на пазарот.
Претходно оваа година, политичките функционери од Венецуела се обидоа да ги шармираат играчите на Волстрит со ветување за реструктуирање на долгот на обврзниците во вредност од околу 60 милијарди долари што го поседуваат Fidelity, T. Rowe Price и BlackRock, како и фондови кои не се од САД. Тие, исто така, понудија инфраструктурни концесии, резерви на нафта и гас и приватизации на средства во замена за реструктуирање на долгот што е од 2017 година. Ова ќе им помогне на американските сопственици на обврзници да повратат дел од парите што ги должи Венецуела, а кои претходно изгледаа изгубени.
Венецуелскиот претседател Мадуро на почетокот на февруари изјави: „Ако се укинат сите санкции – монетарни, финансиски и банкарски санкции против Венецуела – Венецуела ќе одговори на сопствениците на обврзници следниот ден“. Понатаму рече: „Ние сме подготвени. Имаме многу солиден предлог“.
Цената на нафтата значително се зголеми во текот на минатата година, бидејќи побарувачката се зголеми по пандемијата. Цените на нафтата достигнаа 130 долари во неделата поради стравувањата дека САД и нивните европски сојузници ќе ја забранат руската сурова нафта. Ако Бајден сака да го спречи растот на цените на горивото во САД и да ја потисне инфлацијата пред среднорочните потреби, тогаш потрагата по поголема понуда ќе биде клучен приоритет.
САД воведоа санкции за нафтената индустрија во Венецуела, за време на администрацијата под власт на Трамп во 2019 година, за да извршат притисок врз Мадуро да ја напушти власта, гледајќи го се повеќе Хуан Гуаидо како легитимен лидер на земјата. И покрај санкциите кои останаа на сила, Мадуро ја задржа својата функција како претседател. Во меѓувреме, економијата на Венецуела неизмерно претрпе од намалувањето на приходите од нафтата.
И покрај овие санкции, Венецуела постепено ги оживува своите нафтени операции во последните две години, работејќи со Иран, при санкции од САД, за заемно развивање на нивните енергетски индустрии. Додека Иран купуваше венецуелска нафта, Венецуела ги купи иранските нафтени производи во обид да ги заживее своите енергетски индустрии бидејќи тие гледаат на иднина без санкции, анализира OILPRICE.
Покрај тоа, Кина повторно ја започна својата трговска рута со Венецуела во потрага по евтина нафта. Се смета дека азискиот гигант купил вкупно 324 милиони барели од Иран и Венецуела во 2021 година, што е зголемување од 53 отсто од 2020 година, што е највисока количина од 2018 година. Но, партнерството станува сè поочигледно во последниве месеци и Кина се чини не стравува `од потенцијалните последици од игнорирањето на санкциите на САД врз Венецуела.
Во 2021 година, се смета дека Венецуела речиси го удвоила своето производство на нафта, во споредба со 2020 година, ставајќи ја во добра позиција дополнително да го зголеми своето производство за да ја задоволи глобалната побарувачка. Покрај тоа, многумина тврдат дека санкциите не ја постигнале целта за смена на Мадуро од власт, тие наместо тоа ја доведоа Венецуела во економска депресија, принудија милиони во сиромаштија и расселија милиони други.
Иако допрва треба да се воведат јасни санкции за руската нафта, многу компании воведуваат автосанкции бидејќи ја поддржуваат Украина во конфликтот. И БП и Ексон ги прекинаа врските со Русија овој месец, оставајќи зад себе милијарди средства. И можеби е само прашање на време додека САД не воведат санкции за руската нафта, особено по ескалацијата на заканата од конфликтот по руското гаѓање на нуклеарен објект. Ова значи дека светот наскоро би можел да бара други земји богати со нафта за да ја пополнат празнината оставена на пазарот од руската нафта, која во моментов сочинува околу 8 отсто од глобалната понуда, пишува OILPRICE.
Но, претседателот Мадуро можеби ќе треба да го промени својот пристап доколку се надева дека санкциите ќе бидат укинати како одговор на конфликтот. Мадуро изрази силна поддршка за Русија, велејќи дека санкциите што се воведуваат врз земјата се „лудост“. За САД дури и да се доведат до ситуација да размислат за укинување на санкциите за венецуелската нафта.
Со постојано зголемување на производството на нафта во текот на минатата година, Венецуела е во добра позиција да го зголеми производството на сурова нафта доколку бидат укинати санкциите на САД. Тоа би можело да обезбеди витално снабдување со нафта додека светот се бори со недостигот и зголемувањето на цените на нафтата. Сепак, сето тоа може да зависи од ставот на претседателот Мадуро за руската инвазија на Украина и неговата способност да го убеди претседателот Бајден дека неговата влада е помалото од двете зла во меѓународниот систем, пишува угледниот портал OILPRICE.
( Текст на OILPRICE )