Close Menu

Дебатата за уставните измени продолжи – поделбите останаа

0
By on ПОЛИТИКА

Почна продолжението на седницата на Комисијата за уставни прашања на која присуствуваат и пратеници од ВМРО ДПМНЕ.

Самка Ибраимовски од ПЦЕР кажа дека ќе гласа за промена на Уставот, не затоа што сака, туку затоа што тоа сака ромскиот народ да живее поубаво.

До пратениците на ВМРО ДПМНЕ упати порака да не ставаат пречки на патот кон ЕУ и НАТО.

-За првпат не канат во европскиот дом, и не треба да ја пропуштиме оваа шанса. На големите патриоти им порачувам какви се тие патриоти кога за Македонија „душа даваат“, а рака во буџет ставаат“, рече Ибраимовски.

За референдумот рече дека бил натпревар во кој едната страна одлучила да не учествува.

-Тие што не учествуваат го губат натпреварот 3:0, а тие не излегоа затоа што се плашеа дека ќе го изгубат 10:0, рече тој.

Oва е најсрамен чин да се бара промена на уставното име, кажа Tрајче Димков од ВМРО ДПМНЕ.
-Со спогодбата прифаќаме ново име, но тоа нема да се случи, ние треба да станеме северномакедонци, регистарските таблички ќе се менуваат и сите ќе не именуваат како Северна Македонија, кажа Димков и напомена дека граѓаните ќе имаат големи трошоци поради промена на документите.
Тој повика на дијалог за да се најде решение наместо како што рече, „со сила да се оди со промена на Уставот“.
 
Во моментов пред членовите на Комисијата се обраќа министерто за надворешни работи Никола Димитров.
Share.