Делови од скандалозниот разговор на американскиот претседател Доналд Трамп со државниот секретар на Џорџија, републиканецот Бред Рафенспергер, во кои тој му ласка, го моли, но и му се заканува поради изборен пораз од новоизбраниот американски претседател Џо Бајден.
1.Трамп се обидува да го смени резултатот од изборите
За време на разговорот, шефот на државата изврши притисок врз Рафенспергер да „најде 11.780 гласови“.
„Луѓето во Џорџија се лути, луѓето во државата се лути. И нема ништо лошо во тоа, знаете дека пресметувавте… Што ќе правиме? Ми требаат само 11.000 гласови… Ми требаат 11.000 гласови“, вели Трамп за време на разговорот.
Џо Бајден победи во Џорџија. Резултатот е заверен и победата на Бајден во Изборниот колеџ ќе биде потврдена на Конгресот в среда.
2.Трамп се обидува да го заплаши Рафенспергер
„Нема шанси да загубам во Џорџија. Нема начин. Победивме со стотици илјади гласови”, наведува шефот на државата. Тој навести дека државниот секретар на таа американска држава може да биде под истѕрага за сторено кривично дело.
„Знаете што направија и не го пријавивте. Знаете дека е криминал. Знаете дека не можете да дозволите тоа да се случи. Тоа е голем ризик за вас и за Рајан, вашиот адвокат. Тоа е голем ризик”, продолжи Трамп.
3.Трамп врши притисок пред вториот круг од изборите во Џорџија
Претседателот му вели на државниот секретар дека ако не преземе нешто до вторник, тој ќе ги оштети шансите на републиканците Дејвид Пурдју и Кели Лофлер во вториот круг од изборите, што ќе донесе одлука за мнозинството во Сенатот.
„Ќе бидете почитувани, навистина почитувани, ако ова може да се поправи пред изборите“, рече Трамп.
4.Рафенспергер му се спротивставува на претседателот
Државниот секретар на Џорџија е од Републиканската партија. За време на разговорот, тој повтори дека Бајден чесно победил во Џорџија. Тој му вели на претседателот дека се повикува на лажни информации.
Откако Трамп рече дека повеќе од 5.000 гласачки ливчиња биле пуштени во државата од име на починати, државниот секретар одговори: „Вистинскиот број е двајца. Двајца. Две лица кои починаа гласаа“.
5.Трамп можно е да сторил кривично дело
Професорот по право Карл Тобијас од Универзитетот во Ричмонд коментира за Гардијан дека Трамп може да се соочи со „правен ризик по инаугурацијата на Бајден“. Во имејл до британското издание, тој напиша дека ако Министерството за правда или американските обвинители веруваат дека Трамп го прекршил федералниот закон или локалните обвинители во држави како Аризона, Џорџија, Мичиген и Висконсин, каде Трамп може да биде вклучен во слично однесување, моќе дас е верува дека Трамп ги прекршил законите за државните избори, и федералните или државните обвинители можат да го гонат Трамп.
6.Трамп одбива да отстапи
Претседателот на Твитер објави дека разговарал со државниот секретар на Џорџија за изборни измами во државата. Социјалната мрежа објави дека пораката на Трамп е контроверзна. Од своја страна, Рафенспергер одговори дека она што Доналд Трамп го зборувал за изборите во државата не е точно.