Плоштад Слобода денеска се приклучува на одбраната на Паркот кај Бристол со едукативно-забавен настан за деца и родители, наречен „Родителска средба кај Бристол“, информираат од организацијата.
Ги канат сите родители кои во попладневните часови ги шетаат своите деца да дојдат и да се приклучат во акцијата чија цел е да ги поттикне најмладите преку игра да го вреднуваат зеленилото и заштитата на животната средина.На децата ќе им бидат поделени пиштоли на вода со кои ќе можат да ги вадат засадените дрвца.
Еден од основачите на Плоштад Слобода, Никола Наумовски, за НОВА вели дека очекува од власта да не стори грев и да не ги „убива“ и овие тукушто засадени дрвца.
-Ако ги пресечат овие бебиња од дрвја тоа ќе биде еднакво на абортус, а една демохристијанска влада не би се осудила да сече тукушто зачнати животи, вели Наумовски.
Тој вели дека е сигурен дека новите дрвца во Центар ќе останат, а дури и ако се исечат, верува дека ќе се засадат нови.