Илјадници демонстранти се собраа на плоштадот Таксим пред враќањето на премиерот Таип Ердоган од северноафриканските земји, за да бараат од него да си даде оставка.
Ердоган од Тунис им порача дека преуредувањето на паркот Гези ќе продолжи и покрај демонстрациите. Ердоган се враќа вечерва во Турција, а демонстрациите продолжуваат и понатаму иако како што јавува ББС, тие се надевале на некаков компромис.
Во нередите во Турција починаа четворица граѓани. Полицискиот службеник Мустафа Шари е еден од загинатите.Toj паднал од мостот при судирот на демонстрантите со полицијата. И турскиот активист Етем Сарисулук им подлегна на повредите, откако претходно лекарите прогласија дека е во мозочна смрт, а 22 годишниот Абдула Комерт припадник на Републиканската народна партија починал од удари по главата.
Првата жртва на нередите во Турција е 20 годишниот Мехмет Аивалитас кој почина кога такси удри во група демонстранти.