Демонстрантите во паркот Гези на истанбулскиот плоштад Таксим, одбија да се повлечат и покрај „последното предупредување“ на турскиот премиер Реџеп Тајип Ердоган.
-Остануваме во паркот Гези заедно со нашите шатори, со вреќите за спиење, со песните, книгите, нашите поеми и со сите наши барања, изјави денеска адвокатот Џан Аталај на прес-конференција во името на движењето „Солидарност за Таксим“, кое е главен координатор на протестите во Истанбул.
Ердоган денеска се закани дека властите ќе го расчистат истанбулскиот плоштад Таксим од, како што рече, „прекршителите на законот“.
– Плоштадот им припаѓа на луѓето од Истанбул, на луѓето од целата земја и на посетителите од странство. Затоа нема да дозволиме прекршителите на законот да се шеткаат слободно по плоштадот, изјави Ердоган во обраќање пред градоначалниците од неговата владејачка исламистичка Партија на правдата и развојот