Антивладините демонстранти опколија пет нови министерства во тајландскиот главен град Бангкок, барајќи оставка од Владата и премиерката Шинаватра.
Покрај Министерството за туризам и спорт, под опсада се и министерствата за внатрешни работи, за транспорт и за земјоделство.
Демонстрантите на службениците им поставија ултиматум да ги напуштат зградите. Тие денеска ја напуштија зградата на Министерството за надворешни работи, што ја окупираа вчера.
Според очевидци, група демонстранти ги демонтирале шаторите по разговорите со официјален преставник на Министерството.
Во тајландскиот Парламент започнаа дебати по предлогот на опозицијата за гласање недоверба на премиерката Инглук Шинаватра и на министерот за внатрешни работи Чарупонг Руеангсуван.