Експлозии во Лвов, сирени за тревога во Киев. Вака започна 23 ден од војната во Украина. Екипата на „Си-Ен-Ен“ во Лвов јавува дека утрово се слушнале најмалку четири детонации на пошироката територија на градот. Според првичните неофицијални информации, еден проектил падна во близина на аеродромот во Лвов.
„Гардијан“ пишува дека, според повеќе објавени снимки на социјалните мрежи, може да се забележи чад над меѓународниот аеродром во Лвов и додава дека се слушнале најмалку три експлозии.
Correspondent @JonahFisherBBC tells #BBCBreakfast there has been a ‘shift in mood’ in Ukraine’s western city of Lviv over the last few days.
A number of explosions have been heard in the area this morning. https://t.co/GmNPiIw96G pic.twitter.com/2QS2OluhVE
— BBC Breakfast (@BBCBreakfast) March 18, 2022
„Ројтерс“ ја пренесува информацијата на украинската телевизија која објави кратка видео снимка на која во далечина се гледа облак од чад во форма на печурка.
❗️Several explosions are reported in and around Lviv pic.twitter.com/Fj9RGsFmUe
— Ukraine War Updates – English (@UAWarUpdatesEN) March 18, 2022
Градоначалникот на Лвов, Андреј Садовиј на „Телеграм“ потврди дека експлозиите што се слушнале утрово го погодиле подрачјето во близина на аеродромот, но не и самиот комплекс.
„Сè уште не можам да ја кажам точната адреса, но дефинитивно не е аеродромот“, напиша Садовиј и ги повика луѓето да не споделуваат фотографии од местото на случување.
Градските власти на Киев, во меѓувреме, на „Телеграм“ објавија дека во моментот се огласија и сирените за опасност од воздушни напади врз главниот град на Украина.
Но, Киев не е единствениот град во кој утрово се слушаат сирени за тревога. Огласени се и на повеќе подрачја ширум западна Украина, јавува украинска новинска агенција Укринформ. Тревога е на сила и во Ривне, во Волин, во Тернопил и во Ивано-Франкивск.