Завршените осмооделенци денеска и утре бираат средно училиште во кое ќе ги поминат наредните четири години. Учениците конкурираат за 34 791 слободни места во државните средни училиштасредно .
Од нив 22 694 ученички места се наменети за стручното образование, 11 597 во гимназиското, 408 во уметничкото образование и 272 места во спортската гимназија.
Од овие 24 029 слободни места се за учениците на македонски наставен јазик , 10 092 на албански јазик , 816 на турски како и 34 слободни места за учениците кои ќе ја следат наставата на српски јазик.
И по неколку ученици ќе се борат за едно слободно место.
За осмооделенците најатрактивни им се медицинските насоки поради можноста полесно да се стигне до работно место.
Вратите за идните средношколци се отворени и во гимназиите, а бројот на поените останува ист како и минатата година.
За гимназиско образование, економско-правна и трговска струка 60 поени,за здравствена струка 70 поени, а само 30 поени се потребни за тригодишните училишта.
Резултатите и слободните места кои останале за упис ќе се објават на 26 јуни. Второто пријавување во јунскиот уписен рок е на 1 и 2 јули, а резултатите ќе се објават на 4 јули. Оние кои не успеале да влезат во јунскиот упис трета шанса ќе имаат на 22 август.