Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Денот кога Скопје не беше Скопје

0
By Zoran Ivanov on July 30, 2025 ИЗБОР
СПОДЕЛИ
Facebook Twitter LinkedIn Email

Товарам, се качувам продолжувам накај Топанско. Требаше да однесам еден компјутер за една девојка која поради одредени причини работи само од дома. Се снајдов по тоа лавиринитите и стигнав за кратко. Таму, ме чека нејзиниот брат. Се поздравуваме, му го давам уредот и ми вика чекај. Вади од ранец две мали подарочиња. –Ова за тебе и за сопругата! – А не сте морале, не треба ништо да ми подарувате. –Треба, треба многу повеќе ама толку имавме. Треба за ова што го работите оти никој друг не би се нафатил по Скопје да ни донесе “алат” бесплатно до дома.

Борче Стаменов

Сабајлево, тргнавме на редовен преглед во Чаир. Се бев припремил за урлање, сечење коловозни ленти, претекнување без сигнализација, нервозни утрински шофери, пешаци кои претрчуваат таму кај шо не смее и фраери у црни автомобили кои те гледаат онака, аристократски од високо со регистрации на кои пишува СК БИГ 27. Влегувам у кола тргнувам, сите мирни. Наидувам на свртување кое не е означено и си мислам: заглавивме, ќе поминеме у петок. Кога оп! Некој подзастанува и ми блиндира за да поминам.

Немогуче – си викам.

Замавнувам со рака за благодарам.

Стигнуваме во болницата, ја оставам Оле, пошо мене ионака нема да ме пуштат да влезам. Имав договорено да преземам 4 епл уреди од една компанија. Сум бил во тоа “маало” и скоро секогаш сум се мачел и сум кружел повеќе време за да не ги влечам компјутерите. Влегувам на паркинг кој е само за станари. Немам појма у кој влез е фирмата пошо имам само адреса. Стои некој на тераса ме глеа се штуткам и вика: да не ти треба паркинг?

– Даа ми треба само на десетина минути да товарам комп….

Компјутери, дааа знам ја познав колата. Моето место е потаму, празно е слободно паркирај. Шифрата за влез е таа и таа.

– Најфала на цел свет!

Уживај, продолжете со тоа што го правите!

Товарам, се качувам продолжувам накај Топанско. Требаше да однесам еден компјутер за една девојка која поради одредени причини работи само од дома.

Се снајдов по тоа лавиринитите и стигнав за кратко. Таму, ме чека нејзиниот брат. Се поздравуваме, му го давам уредот и ми вика чекај. Вади од ранец две мали подарочиња.

Ова за тебе и за сопругата!

– Ама не сте морале, не треба ништо да ми подарувате.

Треба, треба многу повеќе ама толку имавме. Треба за ова што го работите оти никој друг не би се нафатил по Скопје да ни донесе “алат” бесплатно до дома. Сестра ми не може да се симне ама да знаете дека многу ви е благодарна.

Се качувам ја у кола и ја вадам “трепката” која ми влезе у око. Тргнувам пак накај Чаир. Ајде си викам, пак ќе се борам сеа. Чудесии, сите семафори зелено, сообраќајот тече како некоја река. Како влегувам во двор да паркирам, се ослободува едно место. Застанувам, палам цигара и седнувам на една клупа. До мене на соседната клупа имаше едни баба и дедо, добро може беа и помлади. Ја гледаат Донка и нешто си праат муабет и си се насмевнуваат. Ја одговорав на некои пораки на вибер и слушам ме викаат:

Дечко, дечко дојди малку.

– Здраво.

Вие сте тие кои донираат компјутери? Ве гледав на телевизија пред некој ден. Исто и имавте објавено некое писмо за донации од компании и тоа некако стигна до мене.

– Да, да. Тие сме.

Сакам да ви стиснам рака. Сакам да ви честитам на таа упорност што ја имате и работите толку многу без лична корист. За државата нема ништо да кажам оти знаеме каде живееме кога една држава дошла до таму да функционира од донации. Се надевам дека ќе успеете во вашата замисла и цел кои сте си ги зацртале пред себе. Нешто од горе ви дава сила во тоа сум сигурен. Штом сте овде верувам очекувате принова. Среќно ќе биде тоа дете кога има вакви родители за пример. Нема да ве задржувам повеќе, само ќе ви посакам да имате сила, здравје и среќа да издржите и вие и вашето семејство.

– Ви благодарам најмногу за муабетов

Се поздравивме и ние си тргнавме.

Од таму бев до Лисиче, кај семејство на кое му имаме донирано компјутер. Не се знаеме, прв пат се гледаме. Стигнувам на адреса, ме чекаат мама и малиот на порта.

– Официјално, јас сум Боре.

Стои малиот пред мене и вика: јас само сакав да ви се заблагодарам за компјутерот и да ви дадеме два наши стари кои вие можете да ги поправите и да ги дадете на некој друг. Влегува уште една “трепка” у око.

По него од другата врата излегува уште едно дете.

Јас само сакав да ве запознаам и да ви го дадам мојот стар таблет.

– Ејјј бравооо.

Товарам ја у кола, околу мене среќа и “трепки и прашина” на сите страни. Ставам наочари, ја палам Донка и заминуваме пресреќни што ете некаде сме донеле среќа, од некаде земаме друга и ја расфрламе низ цела држава но најважно од се, сме дале убав пример. Ви благодарам луѓенца добри.

Од Фејсбук ѕидот на авторот

белешка борче стаменов импресија
Share. Facebook Twitter LinkedIn Email
ТИКЕР

Украинска армија: Уништивме моќен руски систем вреден 45 милиони долари

October 27, 2025

Во САД вчера одложени повеќе од 8000 летови

October 27, 2025

Политико: Германија планира да купи оружје во вредност од 377 милијарди евра

October 27, 2025

Пукотници на универзитет во Пенсилванија: Една жртва и шест повредени

October 26, 2025

Двајца словенечки министри дадоа оставки по убиството во Ново Место

October 26, 2025
ФОКУС

Трамп до Путин: Нема да губам време

ВЕСТИ October 26, 2025

 Американскиот претседател Доналд Трамп изјави дека нема да се сретне со рускиот претседател Владимир Путин…

Родителите на загинатите во „Пулс“: Каде беа институциите кога ни изгореа децата?

October 25, 2025

Католичките свештеници за помалку од пет години сексуално злоупотребиле 4.451 лица

October 24, 2025

Данела Арсовска: Советот на Град Скопје и Управниот одбор се одговорни за состојбата во „Комунална хигиена“

October 23, 2025
ТИКЕР

Украинска армија: Уништивме моќен руски систем вреден 45 милиони долари

October 27, 2025

Во САД вчера одложени повеќе од 8000 летови

October 27, 2025

Политико: Германија планира да купи оружје во вредност од 377 милијарди евра

October 27, 2025

Пукотници на универзитет во Пенсилванија: Една жртва и шест повредени

October 26, 2025

Двајца словенечки министри дадоа оставки по убиството во Ново Место

October 26, 2025
CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.