До руското Државно обвинителство деновиве пристигнала тужба од активистот од Новосибирск, Ростислав Антонов, кој смета дека францускиот актер Жерар Депардје добил стан од социјалната програма што се доделуваат на најсиромашните слоеви на граѓани
Откако им се налути на француските власти околу оданочувањето на големите заработувачки Депардје стана државјанин на Русија. Многу од локалните руски организации се натпреваруваа кој ќе му даде поголема привилегија за новиот сограѓанин. Чеченскиот лидер Рамзан Кадиров дури му доделил стан во Грозни.
– Имотната состојба на Жерард Депардје не остава сомнеж дека актерот е добро ситуиран граѓанин, рекол активистот, кој вели дека Французинот со руско државјанство не ни го поминал вообичаената постапка за доделување на социјални станови!
Чеченија која е разурната со војната е најсиромашна локална единица во Руската федерација и со најголема стапка на невработеност.