Владата направила потесна селекција од десеттина кандидати за нов директор Управата за заштита на културното наследство, кој ќе седне на испразнетата фотеља на Паско Кузман Со секој однив од понеделник ќе биде направено дополнително интервју пишува дневниот весник Вест.
– Во однос на оваа позиција имаме добиено кандидатури од околу триесетина лица, нивните писмени поднесоци беа разгледани и веќе е завршена првата фаза на интервјуа, во која сите кандидати имаа можност непосредно да ги претстават нивните ставови, идеи, погледи, програми пред стручни тимови, составени од носители на функции во државните институции.
По оваа фаза, направена е потесна селекција на кандидатите и определени се околу десетина кандидати со кои ќе биде направено дополнително интервју – изјави портпаролот на владата Александар Ѓорѓиев за „Вест“.
Откако ќе се избере предлог-кандидатот, тој ќе треба да се потврди на владина седница што, според Ѓорѓиев, би било во блиска иднина.