Новиот Закон за Јавно обвинителство дава живот на СЈО, вели министерката за правда Рената Дескоска.
Таа вели дека од 15 септември годинава, СЈО ќе беше мртов орган затоа што тогаш истекува мандатот на специјалната јавна обвинителка Катица Јанева, а според постојниот Закон за СЈО освен јавната обвинителка никој друг не може да потпишува или да презема дејствија во свое име.
За бомбите, Дескоска вели дека и без нив ниту еден предмет нема да биде загрозен.
„Ниту еден предмет не треба да биде загрозен без снимките – според информациите што ги имаме СЈО ќе може да ги продолжи сите постапки што се започнати“ рече Дескоска.