Русија истрела стотици дронови и ракети кон цели ширум Украина, уништувајќи станбени блокови и домови во главниот град Киев и на други места. Според извештаите, најмалку 14 лица загинале, а десетици се повредени.
Денешниот напад беше најголемиот што го погоди Кијив во последниве недели и е најнов показател дека Русија нема намера да се повлече од нападите, ниту на бојното поле, ниту врз цивилни цели.
Овој напад доаѓа и речиси две недели по големиот самит меѓу рускиот претседател Владимир Путин и американскиот претседател Доналд Трамп, на кој се разговараше за прекин на 42-месечната руска инвазија врз Украина.
До пладне, обвинителството во Киијв потврди дека најмалку 14 лица се мртви, а повеќе од триесетина се повредени.
Украинското воено воздухопловство соопшти дека ноќниот напад вклучувал речиси 600 дронови-камикази и мамци, како и 31 ракета меѓу кои балистички и крстосувачки ракети. Некои од ракетите биле истрелани од авиони, јавуива украинскта редакција на Радио Слободна Европа чии простории во Кијив, исто така, се оштетени вои овие последни напади.