Лорен Скот (L’Wren Scott) 49, познатата дизајнерка и девојка на Мик Џегер е пронајдена мртва во нејзиниот стан во Менхетен.
Во моментов сите детали се уште не се познати а најверојатно таа се обесила. Телото на дизајнерката го нашол нејзиниот асистент во понеделник наутро, јавува Би-Би-Си.
Скот и Џегер се во врска повеќе од десет години, а имаат заеднички стан во Париз.
Портпаролот на Џегер рече дека во моментов тој е на турнеја во Австралија, но вели дека е во “комплетен шок и уништен од оваа вест.”
Медиумите јавуваат дека Лорен само еден час пред смртта, била активна на Твитер каде дизајнерката Џил Охансенсон и се заблагодарила за позитивните коментари за еден од нејзините фустани.
Скот, родена како Луан Бамбру (Luann Bambrough), е порасната од страна на родители кои ја посвоиле во Јута, САД.
Таа ја започна својата кариера како модел во Париз, а потоа се пресели во Лос Анџелес за да стане моден стилист, според биографија на веб страната на својата компанија.
Таа и Сер Мик почнале да се забавуваат во 2001 година. Таа создаде свој моден бренд во 2006 година.
Смртта на Скот доаѓа само еден месец откако таа го откажа шоуто на Лондонската Модна недела, велејќи дека заради производството морала да ја одложи ревијата, затоа што клучните парчиња не биле готови.
Додека веста за нејзината смрт се шири, модниот свет и оддава почит.
Модниот веб сајт Style.com ја пофали како “вешта во дизајн ” и рече дека таа е одговорна за Сер Мик перформансите на тековната турнеја на Ролинг Стоунс “.
“Почивај во мир, Лорен Скот. Засекогаш ќе ни недостасуваш”, пишува дизајнер Марк Џејкобс на Твитер.