На денешната седница на Собранието на Република Северна Македонија бр. 79. свикана за во 11.00 часот, на списокот за присутни пратеници беа потпишани 85 пратеници, а во салата беа присутни 58 пратеници, соопштуваат од кабинетот на собранискиот спикер.
Џафери од пленарната сала ги повикал пратениците да влезат во сала, за да може пленумот да продолжи со работа, но поради немање кворум, морал да ја прекине седницата по што ги повикал сите лидери на политичките партии од владејачкото мнозинство на средба во неговиот кабинет, информираат од таму.
На средбата, претседателот потсети дека сите пратеници во Собранието се еднакви и ги претставуваат граѓаните кои ги избрале и им дале мандат. Со ваквото однесување се покажува дека за одредени пратеници, приоритет е нешто друго а не практикување на мандатот кој што им е доверен од граѓаните. Претседателот посети дека тој е секогаш подготвен седниците да ги започне на време, доколку пратениците се присутни во сала, стои во соопштението.
Тој исто така нагласи дека доколку има какви било разлики во одредени ставови внатре во коалицијата, истите треба да се решат на друго ниво, не во пленарната сала. Дополнително, претседателот нагласи и дека согласно Одлуката на претседателството, се наложува да се одложат и откажат сите службени и не неопходни приватни патувања на пратениците во текот на месец јули со цел непречено работење на Собранието, се наведува во дописот од законодавниот дом.