Граѓаните во вториот круг од локалните избори масовно да излезат и слободно да гласаат по сопствена волја. Гласањето е тајно и тајноста на нивниот глас е загарантирана, повика денеска на прес-конференција претседателот на Државната изборна комисија Борис Кондарко.
Во недела на 7 април во вториот круг од локалните избори ќе се гласа во 29 општини и Градот Скопје на 1.614 избирачки места на кои право на глас имаат 1.103.175 гласачи.
ДИК даде упатства до сите Општински изборни комисии во Ресен дека лицата со македонски патни исправи и адреси на живеење во Албанија немаат право на глас.
Втор круг гласање ќе има во Арачиново, Берово, Битола, Богданци, Брвеница, Бутел, Велес, Врапчиште, Гостивар, Дебарца, Делчево, Ѓорче Петров, Јегуновце, Кавадарци, Карбинци, Карпош, Кочани, Куманово, Лозово, Могила, Ресен Старо Нагоричане, Струга, Студеничани, Теарце, Тетово, Центар, Чаир, Чешиново-Облешево и Градот Скопје.
Во пресрет на претстојното гласање од вториот круг на изборите, како и прегласувањето на некои места во недела, Министерството за внатрешни работи заврши со постапување во периодот на кампањата во овие две недели и со планирањето на мерките и активностите за обезбедување на гласањето на 7 април.