Државната изборна комисија извести дека вечерва го усвои за Извештајот за прогресот од вкрстените, теренските и административните проверки заради ажурирање и заклучи дека е подготвена за изборите на 5 јуни. Претседателот на ДИК, Александар Чичаковски и двајца членови на ДИК од СДСМ, Виолета Дума и Горан Милев, претходно ја напуштија седницата и не гласаа за извештајот несогласувајќи се со останатите членови дека постојат технички услови за изборите.
Државната изборна комисија донесе заклучок со кој што констатира дека врз основа на досегашната работа од неговиот избор до денес и врз основа на одредбите од Изборниот законик, е подготвена законито, совесно и транспарентно да ги спроведе сите изборни дејствија за Предвремените избори за пратеници во Собранието на Република Македонија, кои се распишаа на 15 април 2016 година, а ќе се одржат на 5 јуни 2016 година, се вели во соопштението коешто пристигна од Државната изборна комисија.