Директорката на ЈП Лајка Радмила Пешева, во работни часови во текот на денешниот ден, предводела туристичка група од Србија во центарот на Скопје, велат читатели на Нова ТВ кои се јавија во редакцијата. Според зборовите на читателите, не е прв пат директорката Пешева да биде во улогата на туристички водич, надвор од работното место во ЈП Лајка.
Побаравме одговор од Пешева која вели дека не се вистинити тврдењата на граѓаните кои ја виделе во улога на туристички водич, но потврди дека не била на работното место во Лајка.
„Не е точно дека сум била со туристичка група но денеска замав слободни часови од работа, тоа е архивирано, а моите слободни часови се мое приватно време и можам да ги користам како сакам“, изјави за Нова ТВ Пешева.
Активистката за заштита на животните Пешева беше назначена за директор на ЈП Лајка од градоначалничката Данела Арсовска минатиот месец.
НТВ