Француската телевизија TV5Monde беше пиратирана вчера вечер од страна на лица кои тврдат дека се џихадисти на Исламската држава (ИД).
Сите 11 канали на телевизијата се денес во прекин. Профилите на телевизијата на социјалните мрежи беа оспособени за работа минатата ноќ. На сите екрани и интернет се појавуваше истата џихадистичка порака со хаштагот #CyberCaliphat и Je suIS IS.
Во џихадистичката порака му се испраќа порака на претседателот Франсоа Оланд и се тврди дека нападот се случува поради ангажманот на Франција во борбата против ИД: «Ти направи грешка која не може да се прости», вели пораката упатена до Оланд.
Станува збор за терористички напад врз телевизијата. Нејзиното седиште во Париз денес е опколено со тешко вооружени безбедносни сили.
Според директорот на TV5Monde Ив Биго, техничарите брзо успеале да вратат еден сигнал но денес ваа телевизија нема да може да објавува претходно снимени програми а се уште не беше познато утринава дали ТВ дневниците ќе можат нормално да се емитуваат.
Нападот се случил синоќа околу 22 часот.
«Кога работите во телевизија и откривате дека сите ваши 11 канали се со црн екран, верувајте дека тоа е најнасилната работа што може да ви се случи», изјави Биго.
Оваа интернационална телевизија се емитува во повеќе од 200 земји и територии во целиот свет.