На земјава и е неопходно законско решение со кое ќе може да се побара докажување за сопственост на имот, и кој ќе бара од секој граѓанин да докаже од каде му е имотот, врз основа на што го стекнал, дали е наследство, дали го купил или некој му го подарил вели првата антикорупционерка во земјава Билјана Ивановска.
Таа истакнува дека за ваквото законско реешение поддршка имаат добиено од Советот на Европа од каде, како што соопштува, ќе биде обезбеден консултант со кој ќе се започне процесот за подготвка на овој закон.
Во однос на автомобилот на поранешниот генерален секретар во Владата Драги Рашковски, Ивановска рече дека ќе биде пријавено во Финансиска полиција доколку тој прикажал нереален анкетен лист.
– Доколку утврдиме разлика помеѓу имотот што е прикажан и месечните примања што ги има, таков е нашиот закон, тогаш одиме чекор понатаму за испитување на имотот и тогаш се вклучуваат и други институции, како Финансова полиција. Тие имаат посебни методи за истражување и тоа ќе го докажуваат, посочува Ивановска.